Di dla portes daviertes   N sada ai 27 de utober 2007 à l Fotoclub Gherdëina metù a jì adum cun la Lia mostra d'ert, la mujiga d'Urtijëi y Nëus Jëuni l di dla portes daviertes tla nueva Cësa per i Jëuni, Ert y Cultura a Urtijëi. L prugram dl Fotoclub: On metù a jì na "Cascata de fotografies" cun plu o manco 750 fotografies metudes ora. Chësc ruf de fotografies ie da udëi te port y ju per la sceles che porta te nosta sënta. Danterite ntan dut l di ons mustrà ca nosc njinies y nosta proiezions de fotografies.