SENTEDA 05.01.09

Stimei cumëmbri!
N lunesc ai 5 de jené 2009 à l cunsëi tenì na senteda, ulache l ie unit fat ora nueva regules per l adurvé dla sënta dl Fotoclub y laurà ora l calënder dla manifestazions per l ann 2009. La nueva regules ie unides metudes su, ajache ultimamënter ons abù problems cun l mpresté ora dla sala. Perchël à l cunsëi tëut la dezijion de fé nscila:

➔ La sala po unì mpersteda ora al plu 3 dis, y ajache i sfondi de papier vën scialdi
adruvei y ruinei, vëniel damandà n contribut de spëises de € 5,00, tl contribut
iel bel leprò n consum de al plu 1 m de papier.

➔ L vën damandà na cauzion de € 50,00.

➔ Per uni meter deplù de papier adruvà y che ie da mudé ora ajache l ie zarà o
daldam, iel sëuraprò n cost de € 2,00.

➔ Sce n cumëmber ne dà nia de reviers la tlé do i 3 dis, iel per uni di sëurora da paië € 2,00.
Nfurmazions: Moritz Senoner - mauriziosenoner@yahoo.it – 339 8670626.
Per ti unì n contra ai cumëmbri sot ai 18 ani, iel unit fat ora che l contribut annuel ie de € 15,00. Per i cumëmbri sëura i 18 ani restel coche for de € 20,00.
Per l calënder de “La Curta“ per l 2010 iel n culaburazion cun la Cassa dl Sparani deUrtijëi unì cris ora l tema “Mi luech – Urtijëi“. L fossa da dé ju n 2-3 fotografies per la fin de auril. Duc i cumëmbri po fé pea!

MANIFESTAZIONS ududes dant per l ann 2009

➔ Sëires de Photoshop per mparé co lauré ora fotos (Referënc y dates mo da fé ora).

➔ Jita a fotografé “Stuei de dlacia“ de jené a Urtijëi.

➔ Sëires de fotoprejentazion ai 26/02 y 14/05 tla sënta dl Fotoclub ulache uni cumëmber po purté n valguna fotos da ti cialé.

➔ Jita al Photoshow a Milano n sada ai 28/03.

➔ Jita a fotografé ciofs (fin de mei – prima enes de juni).

➔ Mostra di partezipanc al Workshop dl 22.11.2008 pra l Museion cun l tema „MUSEION“ dai 03/07 ai 12/07 tla sala dla mostres dl Circolo a Urtijëi.

➔ Mostra collettiva per cumëmbri dl Fotoclub Gherdëina dai 09/10 ai 18/10 cun l tema “S'ancunté – Incontri – Begegnungen und Berührungen“. Terminn per dé ju la fotografies 27.08.2009.

➔ 2° Cuncors de fotografia „UNDER 18“ per duc i jëuni de Gherdëina nasciui do l 01/01/1991. Tema: „mujiga“.Terminn per dé ju la fotografies 30.10.2009.