4. Cuncors de fotografia per jëuni
cun tema "SPORT" - 2011

Regulamënt L Fotoclub Gherdëina mët a jì n cuncors de fotografia reservà a duc i jëuni residënc te Gherdëina y tla frazions ladines de Ciastel nasciui dal 01.01.1993 inant. Uni partezipant po dé ju n mascimo de 5 files digitei tl format “JPEG”. La fotografies muessa avëi contenuc che ne porta nia ofendura a autri, y uni partezipant ie respunsabl per l contenut de si fotografies. Dé ite possen la fotografies sun CDROM, ulache i files muessa avëi na strutura nsci fata: Numer progressif, titul fotografia. Per ejëmpl, 01_Titul.jpg. La fotografies muessa avëi na bona cualità che tleca per les stampé tl format 20x30 cm circa. La fotografies possa vester lauredes ora cun programs coche Photoshop, Gimp y nsci inant. La partezipazion ie debant. La operes muessa unì dates ju al plu tert n vënderdi ai 28 de utober 2011 pra la Nëus Jëuni Gherdëina tla Cësa per i Jëuni, Ert y Cultura tla streda Rezia 102 a Urtijëi. L CDROM muessa vester acumpanià dala scheda de partezipazion cumpileda te uni si pert. CDs zënza chësta scheda ne vën nia cunscideredes. La fotografies premiedes y chëles senialedes unirà stampedes a spëises dl Fotoclub Gherdëina y tachedes ora tl local “Saut” tla Cësa per i Jëuni, Ert y Cultura de Urtijëi da vënderdi 18 de nuvëmber inant. L giudize dla giuria ne po nia unì strità ju. La fotografies premiedes y stampedes resta tl archif dl Fotoclub Gherdëina. La CD's ti unirà dates de reviers ai partezipanc. Pesć 1. Buono de 120 €uro 2. Buono de 80 €uro 3. Buono de 50 €uro 4. Buono de 40 €uro 5. Buono de 30 €uro   per desciarië ju l bando: (PDF, 226 kB) per desciarië ju la scheda de partezipazion: (Word 287 kB)

4. Jugendfotowettbewerb „UNDER 18“ für alle Grödner Jugendlichen, die nach dem 01.01.1993 geboren sind zum Thema „Sport“. Abgabetermin am 28.10.2011.

4° concorso fotografico per i giovani residenti in Val Gardena nati dopo il 01.01.1993, tema: “Sport”. Termine ultimo per la consegna: 28 ottobre 2010.